1991 çулта çуралнă тата унран çамрăкрах ачасем хушшинче республикăри волейбол ăмăртăвĕсем пулчĕç. Район чысне тушкилсем хÿтĕлерĕç. Вĕсем зонăри тĕл пулура комсомольскисене 3:1 шутпа парăнтарса республикăри финала тухрĕç "Елчĕк, Шăмăршă, Патăрьел тата Канаш районĕсен командисем зонăри ăмăртусене хутшăнма темшĕн кăмăл тумарĕç".

Финалти вăйăсенче те "7 команда" тушкилсем ăнăçлă кĕрешрĕç, Шупашкар хулин команди хыççăн 2-мĕш вырăн йышăнчĕç.

Пирĕн команда чысне Костя Моряков, Ваня Спиридонов, Дима Петухов, Артем Табаев, Женя Павлов, Саша Николаев, Саша Данилов, Сергей Маргушов хÿтĕленĕ. Командăна спонсорла пулăшу панăшăн Андрей Моряков предпринимателе тав тăватпăр.