Çак эрнере районта ЧР Финанс министерствин кунĕ иртрĕ. Унта ЧР Патшалăх Канашĕн Председателĕн çумĕ, культура, вĕрентÿ, наука, наци тата çамрăксен политикин комитечĕн председателĕ В.Мидуков, Федераллă Казначействăн Чăваш Республикинчи Управленийĕн ертÿçи И. Клюкова, РФ финанспа бюджет надзор территори службин Чăваш Республикинчи Управленийĕн ертÿçи Н.Константинова хутшăнчĕç. Ушкăн йышĕнче çавăн пекех Пĕтĕм Раççейри “Пĕрлехи Раççей” политика партийĕн Чăваш Енри уйрăмĕн ĕçтăвкомĕн ертÿçи Г.Николаева тата “Хыпар” хаçатăн тĕп редактор çумĕ Г.Максимов пулчĕç. Райадминистрацин пысăк залĕнче хăнасем район активĕпе тĕл пулнă. Ял хутлăхĕсен пуçлăхĕсемпе вĕсен çумĕсен, предприятисемпе учрежденисен ертÿçисем, бюджет организацийĕсенчи бухгалтерсемпе экономистсем, ял хутлăхĕсенчи бюджетпа экономика енĕпе ĕçлекен яланхи комиссийĕсен председателĕсем, район активĕ хутшăннă тĕл пулăва район пуçлăхĕ Н. Иванов ертсе пынă. Республикăн тĕп хулинчен килнĕ специалистсем пухăннисене бюджет политики, граждансене йышăнмалли çĕнĕ йĕркесем, муниципаллă пулăмсенче республика программисем мĕнле пурнăçланса пыни, çивĕч ыйтусемпе вĕсене татса памалли çул-йĕр çинчен каласа кăтартнă. Кунтах “Пĕрлехи Раççей” партин VII съезчĕн пĕтĕмлетĕвĕсемпе паллаштарнă. Г.Максимов нумаях пулмасть 100 çул тултарнă “Хыпар” хаçата куллен вуласа тăма çырăнса илме чĕнсе каланă. Тĕл пулура хускатнă ыйтусем çине хуравсем панă.

Тĕлпулăва район пуçлăхĕ Н.Иванов пĕтĕмлетнĕ. Ун хыççăн граждансене харпăр хăй ыйтăвĕпе йышăннă.