Тăвай территори суйлав комиссийĕ çирĕплетнĕ план тăрăх суйлавçăсене право пĕлĕвĕ парассипе ĕçлессине те палăртнă. Çакă вăл паянхи шкул ачисене – ыранхи çамрăк суйлавçăсене те – пырса тивет. Район администрацийĕн вĕрентÿ тата çамрăксен политикин пайĕпе килĕшсе шкулсенчи “Основы правовых знаний” предмета “Избирательное право и процесс” темăна кĕртме шут тытнă. Çак тĕлĕшпе Çĕнĕ Пуянкассинчи пĕтĕмĕшле вăтам пĕлÿ пара-кан шкулти 11 класра заняти иртрĕ. Урока Тăвай территори суйлав комиссийĕн председателĕ В.Чайкин ирттерчĕ.