Çавах та пуçару, ăсталăх милиционерсен енне куçрĕ. А.Шарапов, В.Цыганов, Д.Матвеев сетка умĕнче тăтăш тапăнчĕç, блоксем лартрĕç. Милиционерсем 2-мĕшпе виççĕмĕш партисене çăмăллăнах выляса илчĕç те турнирти пĕртен-пĕр лидер пулса тăчĕç.

Çав каç ачасен спорт шкулĕн команди те хăйшĕн питех те пĕлтерĕшлĕ пĕрремĕш çĕнтерÿ турĕ, вĕрентÿ пайĕн командине 2:1 шутпа парăнтарчĕ.

Пĕрремĕш çаврăмра райадминистрацирен çухату тÿснĕ “Сельхозхими” ку хутĕнче унранах 2:0 шутпа реванш илчĕ.

Эрне кун ДЮСШпа райадминистраци, шалти ĕçсен пайĕпе “Сельхозхими”, “Миланăпа” вĕрентÿ пайĕ тĕл пулнă. Милиционерсем çивĕч кĕрешÿре «Сельхозхимине» 2:1 шутпа парăнтарнă, пĕртен-пĕр лидер пулса тăнă.