Унта тĕрлĕ ыйту пăхса тухнă. Судпа айăпланнă çынсем хушшинче профилактика ĕçĕсене мĕнле пурнăçласа пынине пĕлтернĕ. Иртнĕ çул Тăрмăш, Лачкасси ялĕсенче пурăна-кансенчен 37-шне учета илнĕ. Вĕсем хушшинче судпа айă-планнисем, ăнăçсăр çемьерисем, эрех ĕçсе ашкăнса çÿрекенсем, çемьере харкашса пурăнакансем пур.

Профилактика учетĕнче тăракансене ларăва чĕннĕ.

Тăвай районĕн прокурорĕ В.Николаев, уголовнăй ĕçсем тăрăх пулнă суд решенийĕсене пурнăçа кĕртес енĕпе ĕçлекен районти инспекцин начальникĕ А.Майраслов, Тăр-мăш ял тăрăхĕн пуçлăхĕ В.Разин совета тĕрлĕ сĕнÿсем пачĕç.

Тăрмăшри пĕтĕмĕшле вăтам пĕлÿ паракан шкул директорĕ М.Андреев вуннăмĕш класра вĕренекен хăшпĕр ачасен дисциплина начарланса пыни пирки пĕлтерчĕ, Т.Сидорова класс ертÿçи те тухса калаçрĕ.

Учетра тăракан хăшпĕр çынсем "условно айăпланнисем, ăнăçсăр çемьесем" çумне ял депутачĕсене çирĕплетсе хăварнă.