Культура çурчĕ çумĕнчи кружоксене çÿрекенсем хăйсен пултарулăхне кăтартрĕç. Çамрăксене сцена çинче тыткалама хăнăхтараççĕ культура ĕçченĕсем. Вăхăт иртнĕ май, вĕсенчен, тен, паллă артист е юрăç пулĕ. Тăвайра пурăнакан Р.Гурина, Л.Никитина мăнукĕсемпе, А.Бикинина, Игорьпе Светлана Хвостовсем ывăлĕсемпе килнĕ кану каçне. Культура çуртĕнче ĕçлекенсем Р.Марковапа В.Ашмарина, А.Никитина журналист, ашшĕ-амăшĕсем тухса калаçрĕç. Вĕри чей ĕçнĕ май малашне çавнашкал хутшăну мероприятийĕсене ытларах ирттерме калаçса татăлтăмăр. Караокепе, купăспа юрларăмăр. Кану каçĕ пурне те килĕшрĕ.