Шăхасанта шашкăлла выляссипе ялти III спорт вăййисен шучĕпе республикăри ăмăртусем пулчĕç. Пирĕн район чысне В.Николаев "Тăвай", А.Афанасьев "Тăрмăш" тата Л.Соловьева "Кивĕ Пуянкасси" хÿтĕленĕ. Район команди самай çеç ăнăçлă вылянă, 7 турта 11 очко пухса 4-мĕш вырăн йышăн-нă. Тăвайсем ăмăртусенче 1-мĕш вырăн йышăннă Шупашкар районĕн командинчен 2:1 шутпа выляса илме пултарнă. В.Николаев çав командăри М.Ефимов мастерпа, 1-мĕш хăма çинче А.Афанасьев Г.Мочалов мастер кандидачĕпе тĕлпулусене нихăшĕ çĕнтерейменнипе вĕçленĕ, хĕр арăм хăми çинче Л.Соловьева çĕнтернĕ "вăл 7 туртан 5 тĕл пулăва выляса илнĕ". Тăвайсен малтисен шутне кĕме те майсем пулнă.

Çавнашкал ăмăртусемех тепĕр кунне шахматистсен хушшинче иртрĕç. Вăхăтра çитеймен пирки шахматистсем I турта «баран-кă» илчĕç. Апла пулин те Елена Фомина "Нÿшкасси" 4 турта "пурĕ 5 тур кăна пулнă" 3, 5 очко пухма пултарчĕ. Ю.Арестовпа А.Шишов иккĕшĕ 2, 5 очко илчĕç. Команда 9-мĕш вырăна тăрса юлчĕ. 14 команда хушшинче ку та япăх мар "ялти II спорт вăййисенче тăвайсем 4-мĕш пулнăччĕ".