Акă нумаях пулмасть эпир медиацентр кабинетĕнче Вăрмар шкулĕпе видео конференц-çыхăну йĕркелерĕмĕр. Çыхăну тытма “Волгателеком” представителĕ А.Сидоров пулăшрĕ. Монитор çине вĕренекенсен сăнĕпе калаçăвĕ питĕ лайăх тухса тăчĕ. Интернет урлă юлташсене хамăра кăсăклантаракан тĕрлĕ ыйтусем патăмăр, вĕсем – пире. Ытларах ĕнтĕ шкул пурнăçĕ çинчен калаçрăмăр. Пĕр-пĕрне хăнана чĕнтĕмĕр.

Çакăн евĕр çыхăнупа эпир пĕрремĕш хут усă куртăмăр. Вăл пирĕншĕн питĕ интереслĕ туйăнчĕ. Çитес вăхăтра шкулта видео конференц-çыхăну урлă кашни кабинетранах калаçма май пур.