2008 çулхи ака уйăхĕн 7-мĕшĕнчен пуçласа çу уйăхĕн 7-мĕшĕччен ялсене, предприятисемпе организацисен территорийĕсене тирпей-илем кĕртес, йывăçсем лартас енĕпе уйăхлăх ирттерме йышăннă.

Апрелĕн 19-мĕшĕнче районта йывăç-тĕм лартмалли субботник пулать. Ăна йĕркелесе ирттерме 10 çынран комисси туса хунă, унăн председателĕ – район администрацийĕн пуçлăхĕн çумĕ Г.Я.Гаврилов.

Районти комиссине ялсене тирпей-илем кĕртес, йывăçсем лартса симĕслетес, йывăç хÿтлĕхĕсем тăвас енĕпе тĕрлĕ ĕçсем пурнăçлама, предприятисемпе организацисен, обществăлла пĕрлешÿсен ертÿçисене хăйсен тата çирĕплетсе панă территорисене çамрăк хунавсем лартса чĕртессипе, упрассипе тимлĕхе ÿстерме хушнă.

Йывăç кунне пурте хастар хутшăнар!