Шкул ачисем хушшинчи кросс ăмăртăвĕсемпе çурхи спорт сезонĕ уçăлчĕ. 4-5 классенчи хĕрачасем хушшинче 300 метрлă дистанцире А.Козлова "Тĕмер", С.Николаева "Тăвай" тата И.Иванова "Эльпуç" палăрчĕç. Çак ÿсĕмри арçын ачасем тата 6-7 классенчи хĕрачасем 500 метра чупрĕç. Арçын ачасенчен А.Краснов "Йăнтăрчă", И.Павлов "Пуянкасси", Д.Воробьев "Йăнтăрчă", хĕрачасенчен А.Шибалова "Тăвай", А.Козьмодемьянская "Тăрмăш", Н.Гаврилова "Эльпуç" малтисен шутне кĕчĕç. 6-7 классенчи арçын ачасен тата 8-9 классенчи хĕрачасен дистанцийĕ 1000 метр пулчĕ. Ку дистанцире Е.Петров "Пуянкасси", О.Павлов "Чутей", А.Николаев "Тăвай", К.Лаврентьева "Тĕмер", О.Максимова "Эльпуç", О.Иванова "Тăрмăш" çĕнтерÿçĕсем пулса тăчĕç.

8-9 классенчи арçын ачасем тата 10-11 классенчи хĕрсем 2000 метра чупрĕç. Арçын ачасенчен финиша Н.Иванов "Пуянкасси" ыттисенчен 17 çеккунт маларах çитрĕ. Д.Воробьевпа "Йăнтăрчă" Г.Родионов "Тушкил" – 2-мĕшпе 3-мĕш вырăнсем. Хĕрсем хушшинче А.Немова "Мучар" çĕнтерчĕ. А.Соколован "Тĕмер", Е.Петрован "Тушкил" – 2-мĕшпе 3-мĕш вырăнсем.

Яшсем "10-11 кл." 3000 метр чупрĕç. Чи лайăх вăхăт А.Егоровăн "10, 11, Енĕш Нăрваш". Ун хыççăн тепĕр 11 çеккунтран дистанцие А.Харитоновпа "Эльпуç" Д.Павлов "Тушкил" çитрĕç.

Командăсем хушшинче тăвайсем, тĕмерсем, йăнтăрчăсем мала тухнă.