Килти аттепе аннене пулăшни те ырă ĕçсен шутне кĕрет. Çавăн пекех пирĕн пĕччен пурăнакансемпе учитель-пенсионерсем пирки те манмалла мар. Вĕсем эпир пулăшма пырсан савăнаççĕ. Иртнĕ кунсенче нумай çул шкулта ĕçлесе тивĕçлĕ канăва тухнă Мария Самуиловна Иванова патĕнче пултăм, тĕрлĕ ĕç туса патăм ăна. Вăл мана тав турĕ, ăшă сăмахсем каласа мухтарĕ. Асанне патне те час-часах çÿретĕп эп, май килнĕ таран пулăшатăп. Аслисен кăмăлне çĕклеме пултарсан, хам та питĕ хĕпĕртетĕп.

Ырă ĕçсене кăçал кăна мар, малашне те кашни кун тумалла