Янтиковский муниципальный округ Чувашской РеспубликиТăвай муниципаллă округӗ
Электромонтерсем яланах хатĕр
Мĕн йĕркеленнĕренпех, пилĕк çул хушши интересленетĕп “Водоэлектросеть” муниципаллă унитарлă предприятийĕн ĕçĕсем пирки. Коллективра йĕркелĕх, ăшпиллĕх, тараватлăх хуçаланнипе, вĕсен ÿсĕмĕсемпе савăнатăп. Кăçал та энергетиксен кунĕ çывхарас умĕн çула тухрăм. Асăннă предприяти “Акконд–агро фирма” общество паркĕн территорийĕнче вырнаçнине хăшĕсем пĕлмеççĕ те пулĕ-ха.
Ман телее, çанталăк питĕ сивĕ тăратчĕ те, электромонтерсем мастерскойĕнчехчĕ. Леонид Александрович Васильев мастер пикенсех темĕн пирки каласа ăнлантаратчĕ работниксене. Олег Семенович Ашмарин, Юрий Николаевич Семенов, Александр Яковлевич Васильев, Сергей Васильевич Разин кирек хăш самантра та хатĕр, çÿллĕ юпа çине улăхса, çитменлĕхсене пĕтерме. Вĕсем хăйсен ĕçне лайăх пĕлеççĕ, ку енĕпе пысăк опыт пухнă, ĕç хăрушсăрлăхĕн правилисене çирĕп пăхăнаççĕ. Уйрăм çынсене, организацисене хĕллехи кунсенче электроэнергисĕр йывăр килессе ăнланаççĕ асăннă арçынсем. Каçхине е сивĕ пулнине пăхмасăр ĕçлеççĕ çавăнпа. Акă, А.Васильев электромонтер ку енĕпе 1978 çултанпах вăй хурать. Малтан Йăнтăрчă ялĕнче электрикра, унтан инженер-электрикра тăрăшнă. Тăвайне 2007 çулта куçнă. Хăйĕн профессине Сергей ятлă ывăлĕ кăмăлланăшĕн хĕпĕртет ашшĕ.
"Ял ĕçченĕ"