Янтиковский муниципальный округ Чувашской РеспубликиТăвай муниципаллă округӗ
Чăваш ен ялсенче пурăнмалли çурт-йĕр тăвассипе лидер пулса тăрать
Агропромышленноç комплексĕн ыйтăвĕсемпе Мускавра пулса иртнĕ Правительство комиссийĕн ларăвĕнче Раççей Федерацийĕн Правительство Председателĕн пĕрремĕш çумĕ Виктор Зубков ертсе пынипе яла 2010 çулччен социаллă аталантармалли тĕллевлĕ федераллă программăна пурнăçланин итогĕсене сÿтсе явнă.
Ларура 2003–2009 çулсенче пурăнмалли çурт-йĕр туса хута янипе Раççей Федерацийĕн субъекчĕсен рейтингĕнче Чăваш Республики пĕрремĕш вырăн йышăннине палăртнă. Иккĕмĕш вырăнта – Пушкăртстан, виççĕмĕшĕнче – Белгород облаçĕ.
Чăваш ене çавăн пекех газ сечĕсем ĕçе кĕртессипе те лидер пулнине асăннă. Республика Тамбов тата Оренбург облаçĕсенчен малта пырать. Вырăнта шыв пăрăхĕсем хывса хута янин рейтингĕнче Чăваш ен тăваттăмĕш вырăн йышăнать.
Юлашки ултă çулта Чăваш Республикинче яла 2010 çулччен социаллă аталантармалли программăна пурнăçласа 2059 пин тăваткал метр пурăнмалли çурт-йĕр хута янă. Тĕслĕхрен, Тутарстан Республикинче 572, 6 пин тăв. метр çурт-йĕр тунă.
Ĕçе кĕртнĕ газ сечĕсен вăрăмăшĕ 6607 километрпа танлашать, çав вăхăтрах Мускав облаçĕнче – 1756 км, Пушкăртстанра – 1911 км.
Хамăрăн Тăвай районĕпе илес пулсан, яла 2010 çулччен социаллă аталантармалли программăна пурнăçласа юлашки ултă çулта 16335, 8 тăваткал метр пурăнмалли çурт-йĕр хута янă.
Районта ĕçе кĕртнĕ газ сечĕсен вăрăмăшĕ 375 километрпа танлашать.
"Ял ĕçченĕ"