Патшалăх символĕсем – герб, ялав, гимн – маншăн вĕсем яланах çĕр-шывăн пĕр-пĕтĕмĕшлĕхне, пĕршухăшлăхĕпе туслăхне, пуласлăхне палăртса тăраççĕ. Чăваш Республикин патшалăх символĕсем пирĕн йăла-йĕркесене, пурнăç хутшăнăвĕсене ĕлĕкрен упраса усрама, вăйлатса, çĕнетсе пыма, хамăрăн историпе мăнаçланма, мĕн лайăххине ăруран ăрăва пама, ку таранчченхи никĕс çинче малашлăха лайăхлатса, пуласлăха çул уçса пыма, çавна май пĕлÿре, туслăхра, пĕрлĕхре иксĕлми вăй пулнине ĕненмелле кăтартса параççĕ.