“Акконд-агро” общество выльăх ĕрчетмелли комплексăн иккĕмĕш черетне ĕçе кĕртессипе тимлет. Кунта тепĕр 500 вырăнлă витен кăшкарне хатĕр конструкцисемпе усă курса пухса лартнă хыççăн тулли мар яваплăхлă “Эконика” общество строителĕсем паян-ыран тăрă витессине вĕçлесшĕн. Пĕр вăхăтрах Чул хулари “Рэд лайн” пысăк фирмăран килнĕ специалистсем çĕнĕ витен урайне бетон хывса пыраççĕ. Çак ĕçĕн чĕрĕкне пурнăçланă.