Янтиковский муниципальный округ Чувашской РеспубликиТăвай муниципаллă округӗ
Район журналисчĕ çĕнтерÿçĕсем хушшинче
Иртнĕ шăмат кун республикăри журналистсем, кĕнеке кăларакансем, полиграфистсем Раççей тата Чăваш пичечĕсен кунĕсене паллă турĕç.
Çавна май Чăвашпотребсоюз суту-илÿ темипе çыракан массăллă информаци хатĕрĕсен, журналистсен конкурсне пĕтĕмлетнĕ. Вун иккĕмĕш хут иртнĕ вăл кăçал. Кăрлач уйăхĕнче хăйĕн 105 çулхи юбилейне паллă тунă “Хыпар” “РФ потребкооперацине аталантарма тÿпе хывнăшăн” орден илме тивĕçлĕ пулнă. Республикăри массăллă информаци хатĕрĕсен пурĕ 12 коллективĕпе хаçатçи малти вырăнсене тухнă. Çĕнтерÿçĕсем хушшинче Тăвай районĕн журналисчĕ А.Никитина та пур. Вăл иккĕмĕш вырăнта. Чăваш наци радион, “Хресчен сасси” хаçат редакцийĕсен коллективĕсем, “Канаш”, “Пурнăç çулĕпе”, “Пирĕн пурнăç” хаçатсен тĕп редакторĕсем – А.Владимиров, Ю.Корнилов, А.Оринова, “Хĕрлĕ ялав” хаçатăн пай редакторĕ З.Павлова, радиовещанин, “Хыпар” хаçатăн, Чăваш наци радион, “Пирĕн сăмах” хаçатăн корреспонденчĕсем – Н.Мулянов, А.Лукиянова, В. Егоров, И.Никитина та сума тивĕçлĕ пулнă. Вĕсене Чăвашпотребсоюз Дипломне тата укçан преми параççĕ.
"Ял ĕçченĕ"