Янтиковский муниципальный округ Чувашской РеспубликиТăвай муниципаллă округӗ
Пĕрлĕхлĕ информаци кунĕнче
Кашни уйăхăн виççĕмĕш юн кунĕнче пирĕн республикăра Пĕрлĕхлĕ информаци кунĕ иртет.
Асăннă мероприятие хутшăнма Тăвай ене хальхинче Шупашкартан ЧР халăха ĕçпе тивĕçтерекен Патшалăх службин ертÿçин çумĕ М.М.Архипов, “Чăваш наци музейĕ” учрежденин директорĕ И.П.Меньшикова, пурнăç условийĕсемпе тивĕçтерекен ĕçченсен Пĕтĕм Раççейри профсоюзĕн ЧР организацийĕн председателĕ Э.В.Иванов килсе çитнĕ. Информаци кунне район администрацийĕн представителĕсем, РФ Пенси фончĕн районти управленийĕпе налог службин, шалти ĕçсен районти пайĕн работникĕсем те хутшăннă.
Тĕмер, Тăрмăш, Тушкил, Енĕш Нăрваш, Йăнтăрчă ял тăрăхĕсенче, “Тăвайри кооператив” потребобщество, районти ача-пăча пултарулăхне аталантармалли тата культурăпа кану, халăха социаллă пулăшу паракан центрсен коллективĕсенче, “Тăвайри сĕт-çу” обществăра тĕл пулусем йĕркеленĕ ушкăнсем.
ЧР халăха ĕçпе тивĕçтересси, 2010 çулхи тупăшсен декларацине тăратасси тата республикăра Раççей космонавтика çулне ирттересси çинчен калаçу пынă асăннă кун. Патшалăхăн тариф политикипе çыхăннă ыйтусене те пăхса тухнă.
Ялсенче пурăнакансем, ĕç çыннисем харпăр хăйĕн чылай ыйтăвĕ çине вырăнтах хурав илнĕ.
Информаци ушкăнĕсен членĕсем район администрацийĕн работникĕсемпе те тĕл пулнă. Юлашкинчен çынсене харпăр хăй ыйтăвĕсемпе йышăннă.
"Ял ĕçченĕ"