Янтиковский муниципальный округ Чувашской РеспубликиТăвай муниципаллă округӗ
Депутат парнишĕн
Иртнĕ вырсарнире Тăвайра шахматла выляса ЧР Патшалăх Канашĕн депутачĕн В.Н.Ивановăн парнисене çĕнсе илессишĕн ăмăртусем пулчĕç. Пысăках мар, анчах вăйлă йыш пуçтарчĕ турнир. 8 очко илме май пур çĕртен 7 очко пухса Родион Совин çĕнтерÿçĕ пулса тăчĕ (вăл пĕртен-пĕр çухатăва Ан. Алексеевран тÿсрĕ, ăна ферзь лартса пачĕ). Ю.Арестовпа В.Семенов çĕнтерÿçĕрен 2,5 очко юлса 2-мĕшпе 3-мĕш вырăнсем йышăнчĕç. А.Шишовăн – 4-мĕш вырăн (4 очко).
–Турнир мана питĕ килĕшрĕ, тикĕс те вăйлă йышпа вылярăмăр. 64 тăваткал çинче вăхăт-вăхăт çав тери çивĕч кĕрешÿ пычĕ. Родион вара ку хутĕнче ыттисенчен чылай пултаруллăрах пулчĕ, – тет ăмăртăва хутшăннă Василий Александров.
"Ял ĕçченĕ"