Янтиковский муниципальный округ Чувашской РеспубликиТăвай муниципаллă округӗ
Культура учрежденийĕсен ĕçне пĕтĕмлетнĕ
Иртнĕ эрнере культурăпа кану учрежденийĕсенче, библиотекăсемпе музейсенче ĕçлекенсен районти канашлăвĕ пулчĕ, унта 2010 çулхи ĕçе пĕтĕмлетнĕ. Пухăннисем райадминистрацин социаллă аталану секторĕн заведующийĕн Г.Масленниковăн отчетлă доклачĕпе паллашнă. Ăна сÿтсе явма районти культурăпа кану центрĕн директорĕ Н.Иванова, ял поселенийĕсем хушшинчи тĕп библиотека директорĕ Т.Совина, ялсенчи культура çурчĕсен директорĕсемпе библиотекăсен заведующийĕсем тата ЧР культура министрĕн çумĕ Т.Казакова хутшăннă. Татьяна Васильевна районти культура учрежденийĕсен ĕçĕнчи ырă пулăмсене палăртнипе пĕрлех ĕçе лайăхлатмалли майсене те асăнса хăварчĕ, специалистсем хускатнă тĕрлĕ ыйтусем çине хуравларĕ, культура вучахĕсен ĕçне лайăхлатассипе тимлĕхе ÿстерме сĕнчĕ. Министр çумĕ культурăра вăй хуракан пур хĕрарăма та, ĕç ветеранĕсене пĕтĕм тĕнчери çурхи уявпа саламларĕ.
Канашлу “Тăвай ен” ансамбль концерчĕпе вĕçленчĕ.
"Ял ĕçченĕ"