Янтиковский муниципальный округ Чувашской РеспубликиТăвай муниципаллă округӗ
Пенсионерсем канашларĕç
Тăвай районĕнчи пенсионерсен отчетпа суйлав пухăвĕ иртнĕ. Отчетлă тапхăрти ĕçсемпе уйрăм председателĕ Г.Толкова паллаштарнă.
Доклада сÿтсе явма М.Герасимова пенсионерка (Тăвай), РФ Пенси фончĕн районти управленийĕн начальникĕ Л.Яковлева, Перекет банкĕн Тăвайри 7507/053 номерлĕ хушма офисĕн заведующийĕ А. Краснов, РФ Пенси фончĕн Чăваш Республикинчи уйрăмĕн управляющийĕн çумĕ Ю.Шипов, районти депутатсен Пухăвĕн председателĕ, Тăвай больницин тĕп врачĕн çумĕ Т.Шакшина хутшăннă.
Пухура пенси законодательствинчи тата пенсипе тивĕçтерес ĕçри çĕнĕлĕхсене пăхса тухнă, пенсионерсене банк карттисемпе тивĕçтересси çинчен пĕлтернине итленĕ.
Пенсионерсен обществăлла организацийĕн районти уйрăмĕн составне çĕнетнĕ. Алевтина Михайловна Алексеевана унăн председателĕ пулма тата Раççей пенсионерĕсен союзĕн ЧР регионти уйрăмĕн III конференцине кайма делегата суйланă.
Пуху ĕçне район администрацийĕн пуçлăхĕ Ю.Е.Васильев хутшăннă, сăмах каланă.
"Ял ĕçченĕ"