Янтиковский муниципальный округ Чувашской РеспубликиТăвай муниципаллă округӗ
Культура программи анлă та пуян
ЧР культура министрĕ Р.М.Лизакова Чăваш Наци библиотекинче республика уявĕн кульура программине йĕркелекенсемпе пресс-конференци ирттернĕ. Унта республикăра пурăнакансемпе хăнасене анлă та пуян культура программи кĕртнине палăртнă. Çапла уяв кунĕсенче халăх пултарулăхĕн “Раççей çăлкуçĕсем” Пĕтĕм Раççейри фестивалĕ пулать. Унта Раççейĕн тĕрлĕ регионĕсен тата урăх çĕр-шывсен коллективĕсем хутшăнĕç. Фестиваль участникĕсене Çĕрпÿ районĕ те кĕтет.
Наци музейĕнче декораципе прикладнăй искусствăн халăх ăстисен Пĕтĕм Раççейри “Русь мастеровая” IХ конкурсне ирттерме палăртнă. Унта Чăваш ен ăстисем те массăллăн хутшăнĕç: тĕрĕ ăстисем, йывăçа касса эрешлекенсем, хурăн хуппинчен, вĕтĕ шăрçасенчен илемлĕ япаласем ăсталакансем тата ытти те.
Июнĕн 20–24-мĕшĕсенче “Çын – Çемье – Тăван çĕр-шыв. Музей интерпретацийĕн йывăрлăхĕсем” Пĕтĕм Раççейри наукăпа практика конференцийĕ пулать. Ăна Раççей патшалăхĕн ку чухнехи историйĕн музейĕпе Чăваш Наци музейĕ пĕрле йĕркелеççĕ.
Курса тĕлĕнмелли, чуна килентерекенни нумай пулĕ Республика кунĕпе çыхăннă уяв вăхăтĕнче.
"Ял ĕçченĕ"