Июлĕн 4-мĕшĕ тĕлне районти ял хуçалăх предприятийĕсемпе хресчен-фермер хуçалăхĕсем пурĕ 759 тонна утă хатĕрленĕ, 3670 тонна сенаж хывнă. Курăксем çулса пухассипе пур хуçалăхра та ĕçлеççĕ.

666 гектар çинчи çĕр улмине чылайăшĕ иккĕмĕш хут купалаççĕ. Хăшĕ-пĕри кăткăс минераллă удобрени парса апатлантарать. Тĕслĕхрен, А.Петров, Н.Морякова хуçалăхĕсенче.

Выльăх апачĕ хатĕрлесси те, ял хуçалăх культурисене пăхса тăрасси те – ку вăхăтри çивĕч ыйтусем.