Районти футбол чемпионачĕн 1-мĕш çаврăмĕ вĕçлениччен тепĕр 2 тур кăна юлчĕ. 4-мĕш турта “Союз” Чутейре площадка хуçисене 4:0, нăрвашсем килте Тăвайри “Лидера”, тушкилсем хăнара пуянкассисене 3:1 шутсемпе парăнтарчĕç. Район чемпионĕн ячĕшĕн кĕрешекен тăрмăшсемпе “Дорстрой” хушшинчи çивĕч тĕл пулура пĕрремĕшсем 2:1 шутпа çĕнтерчĕç.

5-мĕш турта “Союз” нăрвашсенчен 3:1, “Лидер” пуянкассисенчен 3:0 шутсемпе выляса илнĕ. Тушкилсем килте тăрмăшсене вăйлă хирĕç тăнă, çавах та ăнăçу хăнасен енче пулнă (2:1). Нăрваш çамрăкĕсем пур чухне те пĕр йышпа пухăнаймаççĕ пулас. Çакна хăш-пĕр чухне пулакан “осечкăсем” те çирĕплетеççĕ. Çапла вĕсем июнĕн 25-мĕшĕнче Тăвайри “Союзран” 1:3 шутпа çухату тÿсрĕç.