Ялта – хĕрÿ ĕç вăхăчĕ. Июлĕн 25-мĕшĕ тĕлне районти ял хуçалăх производство кооперативĕсемпе хресчен фермер хуçалăхĕсем пурĕ 4090 тонна утă хатĕрлесе хунă, 10350 тонна сенаж хывнă. Кашни условнăй выльăх пуçне вăтамран 20,2 центнер апат единици хатĕрленĕ.

Кĕрхи тĕш тырă культурисем акма 1540 гектар çĕр кăпкалатнă.

Çавăн пекех районта вырма пырать. Кĕрхи тĕш тырă культурисене пурĕ 110 гектар çулнă, çак шутран 100 гектарĕ – кĕрхи тулă.

Ленин ячĕллĕ хуçалăх 10 гектар çинчен 20 тонна тырă çапса илнĕ. Тăрмăшсен кушăхтарма вырса пăрахнă тырă лаптăкĕсем татах та çук мар.

Тырă ĕлкĕрсе пынă май, ытти хуçалăхсем те ăна пухса кĕртме, ĕçлесе тирпейлеме тытăнĕç.