Утă уйăхĕ вĕçленсе пырать. Иртнĕ эрнере “Шимкусский” тата Ленин ячĕллĕ ЯХПКсен ĕçченĕсем кĕрхи тырă пуссисенче вăй хума пуçларĕç. Тунти кун тĕлне районта 60 гектар тулă тата 10 гектар ыраш çулнă. Çакнашкал мелпе ĕçлени тырă пĕрчисене лайăхрах типсе çитме май парать. Вырсарни кун тăрмăшсем тырра çапма пуçланă, 10 гектар çинчен 20 тонна çапса тĕшĕленĕ.

Ленин ячĕллĕ ЯХПКра кĕрхи культурăсене çулнă çĕрте В.Дмитриев механизатор ырă тĕслĕх кăтартнă. В.Федоров тĕп агроном тата Тăрмăш ял тăрăхĕн специалисчĕ В.Симушкин ĕççири лару-тăрупа вырăна тухса кăсăкланнă.