Районти футбол чемпионачĕн 12-мĕш турĕнче пуянкассисем Тăвайри “Лидера” йышăнчĕç. Хăнасем пĕр пуç çÿлерех тăчĕç, 5:1 шутпа выляса илчĕç. “Союз” килте нăрвашсемпе ăнăçлăрах вылярĕ, 3 мечĕк тапса кĕртрĕ, хăйĕн хапхине 2 кăна кĕрттерчĕ. Çак эрнере тăрмăшсем тушкилсене йышăнаççĕ.

Иртнĕ эрне вĕçĕнче “Дорстрой” Канашра АРОССО кубокне хутшăнса “Локомотивпа” тĕл пулчĕ, 3:2 шутпа çĕнтерчĕ. Кубок кĕрешĕвне пирĕн районтан тăрмăшсене тата ытти хăш-пĕр районсен командисене те чĕннĕ.

Виçĕм кун Тăвай çамрăкĕсем Шупашкара Тăвай районĕн ентешлĕхĕн чысне хÿтĕлеме тухса кайнă. Вĕсем унта мини-футбол, волейбол ăмăртăвĕсене хутшăнаççĕ.

Ветерансен команди республика чемпионатĕнче 4-мĕш вырăн йышăнса, 8 команда шутĕнче малалла вылять (хăйне евĕр 3-мĕш çаврăм).