Депутатсен районти Пухăвĕн черетлĕ 15-мĕш ларăвĕ пулчĕ. Депутатсем кун йĕркине кĕртнĕ тĕрлĕ ыйтусене сÿтсе яврĕç. Лару ĕçне район пуçлăхĕ Т.Шакшина, район администрацийĕн пуçлăхĕ Ю.Васильев, В.Николаев прокурор, райадминистрацин управленийĕсемпе пайĕсен ертÿçисем хутшăнчĕç. Сÿтсе явнă ыйтусем тăрăх пĕлтерĕшлĕ йышăнусем тунă. Депутатсем районăн кăçалхи бюджетне пысăклатма йышăннă, 6-мĕш номерлĕ суйлав округĕпе депутатсен районти Пухăвĕн депутатне суйламалли куна çирĕплетнĕ (2011 çулхи декабрĕн 4-мĕшĕнче), районăн муниципаллă харпăрлăхне приватизацилемелли прогноз планне улшăнусем кĕртнĕ, сывлăх сыхлавĕн муниципаллă учрежденине пурлăх комплексĕ шучĕпе Чăваш Республикин патшалăх харпăрлăхне панă, районăн муниципаллă харпăрлăхне тытса тăмалли Йĕркене çирĕплетнĕ тата ыт.те.