Сентябрĕн 21-мĕшĕнче пĕрлехи информаци кунĕ пулать. Унта çак темăсене хускатаççĕ: “Чăваш Республикин “Чăваш Республикин 2011 çулхи тата 2012 тата 2013 çулсене планлакан республика бюджечĕ çинчен” Закона улшăнусем кĕртесси çинчен” Чăваш Республикин Законĕ мĕнле пурнăçланса пыни, ял хуçалăхĕнчи вырма ĕçĕсем çинчен тата республикăри муниципаллă тытăмсенче ял хуçалăх ярмăрккисем йĕркелесси, РФ Патшалăх Думин тата Чăваш Республикин Патшалăх Канашĕн депутачĕсен суйлавĕсене хатĕрленесси тата ытти ыйтусем. Çавăн пекех аслă ăру çыннисене патшалăх пулăшăвĕ парас ĕç мĕнле пулса пыни çинчен РФ Пенси фончĕн Чăваш Республикинчи уйрăмĕ хыпарлĕ. Кун йĕркинчех районăн Пĕрлехи диспетчер службин ĕçĕ те.

Палăртнă кун информаторсен ушкăнĕсем ялсене çитсе çынсемпе тĕл пулĕç, ĕç коллективĕсенче тухса калаçĕç. 13 сехетрен пуçласа 14 сехетчен райадминистрацире граждансене харпăр хăй ыйтăвĕпе йышăнаççĕ.