Янтиковский муниципальный округ Чувашской РеспубликиТăвай муниципаллă округӗ
Районти актив канашлăвĕ
Район администрацийĕн актовăй залĕнче районти актив канашлăвĕ иртнĕ. Унта ял тăрăхĕсен пуçлăхĕсем, район администрацийĕн структура подразделенийĕсен, республика тата федераллă службăсен руководителĕсем, депутатсен районти Пухăвĕн тата ял тăрăхĕсен депутачĕсем, районти организацисен, учрежденисемпе предприятисен, профсоюз тата ытти обществăлла организацисемпе пĕрлешÿсен ертÿçисем, ял старостисем хутшăннă.
Тăвай районĕн экономикăпа социаллă пурнăç аталанăвĕн 2011 çулхи 9 уйăхри итогĕсемпе умри тĕллевсене тата кăçалхи декабрĕн 4-мĕшĕнчи Раççей Федераци Пухăвĕн Патшалăх Думин, Чăваш Республикин Патшалăх Канашĕн депутачĕсен суйлавне йĕркеллĕ хатĕрленсе ирттерес тĕлĕшпе тăракан задачăсене сÿтсе явнă. Район администрацийĕн пуçлăхĕ Ю.Е.Васильев, финанс пайĕн начальникĕ А.Г.Сергеев, вĕрентÿ, çамрăксен политикин тата физкультурăпа спорт пайĕн тĕп специалисчĕ Н.В.Староселец, Çĕнĕ Пуянкасси ял тăрăхĕн пуçлăхĕ Н.С.Васильев, Чăваш Республикин Патшалăх Канашĕн председателĕн çумĕ Г.Г.Васильев, “Акконд” обществăн генеральнăй директорĕ, Чăваш Патшалăх Канашĕн депутачĕ В.Н.Иванов, Канаш район больницин тĕп врачĕ Р.Н.Федорова тухса калаçнă.
"Ял ĕçченĕ"