Кăçал районти хуçалăхсен пĕрчĕллĕ тата пăрçа йышши культурăсем 12048 гектар (кукурузăсăр) çинчен пухса кĕртмелле. Çав шутра кĕрхисем – 2220 гектар, çурхисем 9828 гектар йышăнаççĕ.

Тăвай енре тырă пухса илекен 44 тĕрлĕ комбайн пур. Паянхи куна 25 уй-хир “карапĕ” ĕçлет. Пĕр комбайнăн 273 гектар тырă çапмалла.

Хальхи вăхăтра кĕрхи культурăсене 11 хуçалăхра тÿрремĕн çапаççĕ. Ленин ячĕллĕ ЯХПКра, “Дорстрой–агро” тулли мар яваплăхлă обществăра, Морякова хресчен фермер хуçалăхĕнче тата ыттисенче те ĕççи хĕрÿлленсех пырать.

Пурĕ 1876 гектар çинчен кĕрхи культурăсене пухса кĕртнĕ, районĕпе 2722 тонна тырă пÿлмене кĕнĕ. Тухăç гектар пуçне хальлĕхе 14,5 центнерпа танлашать.

Кĕрхи культурăсене акма çĕр хатĕрлесси аван пулса пырать. Планпа 3510 гектар çĕр пулмалла тăвайсен.

Районти ĕççие вĕçлеме пурĕ 260 тонна дизель топливи кирлĕ. Июль–ноябрь уйăхĕсенче хуçалăхсене пĕр тонна топливăна – 23627 тенкĕпе, пĕр литрне 19 тенкĕ те 60 пуспа параççĕ. Июль уйăхĕнчи çунтармалли-сĕрмелли çăмăллăхлă япаласене илсе килсе пĕтернĕ. Ку ĕç малалла пырать.

Дизель топливи “Акконд–агро фирма”, “Дорстрой-агро” обществăсенче, “Дружба” ЯХПКра пур. “Волганефтепродукт – ЛУКОЙЛ” обществăн районти хуçалăхсене пурĕ августра 119 тонна, сентябрьте 121,7 тонна, октябрьте 91,7 тонна çăмăллăхлă дизель топливипе тивĕçтермелле.