Раççей Правительствин Председателĕ Дмитрий Медведев видеоконференци ирттернĕ. 2016 çул тĕлне вăл 1,5 çултан пуçласа 6 çул таранхи пур ачана та садикпе тивĕçтермеллине палăртнă. Кăçалхи сентябрĕн 1-мĕшĕ тĕлне çĕр-шыври 400 пин ача садик черетĕнче тăнă.

Çывăх 3 çулта Чăваш Республикинче 8633 вырăнлă 5 садик хута ямалла. Кăçалхи ноябрĕн 14-мĕшĕ тĕлне республикăра 1,5 çулхи 15,9 пин ача садик черетĕнче шутланнă. Республикăра халĕ шкул çулне çитмен ачасен 439 вĕренÿ учрежденийĕ ĕçлет, çав шутра патшалăхăн шутланаканни – 4 садик, 36 учрежденире ачасене шкула кайма хатĕрлеççĕ. Унсăр пуçне 192 шкулта садик уйрăмĕсем уçнă. Вĕсен 91,2 проценчĕ 1,5 çултан пуçласа 3 çултан аслă мар ачасем валли. Республикăра 3 çултан пуçласа 7 çула çитичченхи 1399 ача (8,7 процент) садике вырăн çуккипе çÿреймест.

Пирĕн районта садик черетне 300 ытла ача кĕтет, çав шутра 3 çултан пуçласа 7 çултан аслă мар ачасем – 46.