Енĕш Нăрваш ялĕнчи информаципе культура центрĕн ĕçченĕсем Çĕнĕ çул уявĕнче клуб çурчĕ умне юр кĕлеткисемпе илемлетеççĕ тăтăшах. 2011 çулта икĕ тигр, тепĕр çулхине аçтахана ăсталарĕç юртан. В.Степанова кăçал çĕленпе чăрăш тума мехел çитерчĕ. Халь Валентина Петровна ăсталăхĕпе кашни çын киленсе иртет.

Йывăçран тĕрлĕ япаласем касса кăларакан Ю.Федоров ăстаçă хăйĕн çурчĕ умне Хĕл Мучин питĕ чаплă кĕлеткине туса лартрĕ, чăрăшне вара çуталса сÿнекен ярăмпа илемлетрĕ. Хĕллехи каникулта ачасем ку кĕлеткепе сăн ÿкерттерчĕç. Пирĕнтен кашниех çурт умне çакнашкал майпа вăхăтлăха та пулин илем кĕртме пултарать.