Тăвайри "Аль" физкультурăпа спорт комплексĕнче Хĕл Мучи призĕсемшĕн шывра ишекенсен ăмăртăвĕ иртнĕ. Вăй виçме 120 çын ытла кăмăл тунă.

Ишес енĕпе тупăшма 9 ỹсĕм ушкăнĕсем (25, 50, 100 метрлă дистанцисем) хутшăннă, 9-10 çултан пуçласа 60 çултан иртнисем таранах. Уйрăм спортсменсем хушшинче çĕнтерỹçĕсен пьедесталĕ çине Инна Ивановапа Дмитрий Лисов (Тăвай шкулĕ, 2005-2006 çул), Елизавета Евдокимовапа Данил Иванов (Тăвай шкулĕ, 2004-2003 ç.ç.), Алина Лисовапа Владимир Емельянов (Тăвай шкулĕ, 2001-2002 ç.ç.), Анастасия Рожковапа Леонид Иванов (Тăвай шкулĕ, 1999-2000 ç.ç.), Ксения Моряковапа (Тăвай шкулĕ) Евгений Зайцев (1997-1998 ç.ç., Тăвай ял тăрăхĕ), Алексей Егоров (18-29 çулхисем хушшинче, Тăвай ял тăрăхĕ), Эдуард Буинцев (30-39 çулхисем, Тăвай ял тăрăхĕ), Луиза Самсонова (40-59 çулхи, Тăвай шкулĕ), Фаина Тимофеевапа Альфред Пимулин (60 çулхи тата унран аслăрах, иккĕшĕ те Тăвай ял тăрăхĕ) хăпарнă.

Шкулсем хушшинче хутăш эстафетăра (1999-2000 ç.ç.) пĕрремĕшпе иккĕмĕш вырăнсене Тăвайпа Тĕмер шкулĕсем пайланă. 1997-1998 çулсенче çуралнисен ỹсĕмĕнче эстафетăра Тăвай шкулĕ чи вăйли пулнă. Иккĕмĕшпе виççĕмĕшĕнче - Тĕмерпе Чутей шкулĕсем. 18-29 çулсенчи çамрăксенчен финиша чи малтан Тăвай, унтан райадминистраципе Тăвайри вăтам шкул ишевçисем çитнĕ.

Пĕтĕмĕшле илсен, шкулсен командисенчен тăвайсем (1-мĕш вырăн), тĕмерсем (2-мĕш), чутейсем (3-мĕш) палăрнă.

Район администрацийĕ ăмăрту йĕркелеме пулăшнă Эдуард Буинцева тав тунă.

В.ПАВЛОВ.