Юлашки вăхăтра суррогатлă алкогольлĕ продукципе суту-илỹ тăвасси нумайланнă. Эрех ĕçсе çутă тĕнчерен уйрăлса кайнă тĕслĕхсем çине-çинех пулма пуçланă.

Красноярск крайĕнче ноябрь уйăхĕн вĕçĕнче "Jack Daniel" ятлă этикеткăллă алкоголь продукципе инкеклĕ ĕç пулнă. Ăна ĕçсе пилĕк кун хушшинче 24 çын наркăмăшланнă.

"BacarDi" этикеткăллă эрехпе икĕ хĕрарăм ĕçнĕ çĕртех тỹнсе кайнă. Вилнĕ çыннăн мăшăрĕ ăна Мускав облаçĕнчи Сосенски поселокĕнче "Фуд Сити" суту-илỹ комплексĕнче туяннă пулнă иккен. Домодедово районĕнче те çакнашкал тата 5 тĕслĕх пулнă.

Шупашкарта, Шупашкар районĕнче метил спирчĕпе наркăмăшланнă 3 çын вилнĕ. Наркăмăшлă эрех ĕçсе çутă тĕнчерен вăхăтсăр уйрăласран асăрханăр.

Б.БОРИСОВ.