2016 çула Раççейре кино çулталăкĕ тесе йышăннă май Тăвайри культура керменĕнче "Чун юрлать ырă юрăсен сăмахĕсемпе" ятлă киноюрăсен фестивалĕ пулса иртрĕ. 36 номер хатĕрленĕ куракансем валли. Жюри членĕсен вара хак пама тиврĕ.

Кашни юрă кинофильмсенчи кадрсемпе çыхăнса пычĕ. Фестиваль ветерансен хорĕн "А годы летят" ("Добровольцы" кинофильмран) юррипе пуçланчĕ. Çăмăл алăллă юрăçсем хыççăн кĕвĕсем татах та хитрен шăранса пычĕç. Чылай çынна хутшăнтарнă хăйсен номерĕсене Тăвайри культура керменĕнчи халăх хорĕ, Тĕмерти тата Улянкăри культура çурчĕсенчи хĕрарăмсен ансамблĕсем.

"Тăрмăш" халăх фольклор ушкăнĕ те пысăк йышĕпе палăрчĕ. Килĕшỹллĕ те хитре номерсем кăтартрĕç Тăвайри ача-пăча искусство шкулĕн воспитанникĕсем. Куракансене хаваслăх кỹчĕç. Жюри членĕсем пысăк хак пачĕç уйрăм юрлакан солистсене те. "Пока станица спит", "А зори здесь тихие", "Летят журавли", "Кубанские казаки", "Ирония судьбы, или с легким паром", "Девчата", "Кавказская пленница" киносенчи пек туйрĕç хăйсене куракансем ку чухнехи мультимедийлă оборудовани пулăшнипе асăннă фильмсенчи сыпăксене пăхса ларнă май.

Ташă ăстисем чылай пухăнчĕç "Вивадэнс" ят панă районти хореографи конкурсне. Районти тата ялсенчи культура çурчĕсенчен 8 ушкăн халăх, классика тата ку чухнехи ташăсене тăратма пултарчĕ. Çавăн пекех тупăшăва Канашри "Созвездие" ташă ушкăнĕ те хутшăнчĕ.

Çăмăл пулмарĕ жюри членĕсене çĕнтерỹçĕсене палăртма. "Халăх ташши" номинацире 1-мĕш вырăна Пуянкассинчи "Задоринки" ташă ушкăнĕ тата Çĕнĕ Ишпуçĕнчи "Шанчăк" ансамбль, 2-3-мĕш вырăнсене Канашри "Фантази" ансамбльпе Енĕш Нăрвашри ташă ушкăнĕ йышăнчĕç. Классикăлла тата ку чухнехи ташăсемпе Тăвайри культура çурчĕ çумĕнчи "Вдохновение" ушкăнсем мала тухрĕç. Канашри "Фантази", "Джус" ташă ушкăнĕсем (Тăвайри культура çурчĕ, ертỹçи Наталия Королева) иккĕмĕшпе виççĕмĕш вырăнсене çĕнсе илчĕç.

"Аль" физкультурăпа спорт комплексне тỹлевсĕр çур çуллăха çỹреме Елизавета Ильинична Ильинана сертификат парнеленĕ. Çавăн пекех çамрăк хутшăнакансене - Арина Биктимирована, Ангелина Петрована, Лев Матросова Хĕл Мучипе Юр Пике киле пырса саламламалли сертификатсем панă.

Конкурс-фестиваль лауреачĕсемпе дипломанчĕсем 2016 çул пуçламăшĕнчи Кино çулталăкне уçнă ятпа иртекен гала-концерта хутшăнаççĕ.

О.ГРИГОРЬЕВА.