Чăваш Республикинчи "Савнă ялăм, тăван ял" ача-пăча ỹкерчĕкĕсен конкурсĕ пĕлтĕр пуçланнă. Кăçал пулакан ялхуçалăх çыравне халалланă ăна.

18 çула çитменнисем, ялсенчи вĕренỹ учрежденийĕсенче, художество шкулĕсенче пĕлỹ пухакансем хутшăнма пултараççĕ унта. Конкурса Чăваш Ен статистики, ЧР ялхуçалăх министерстви, "Хыпар" хаçат редакцийĕ йĕркеленĕ.

"Пирĕн пата çыравçă килнĕ", "Эпĕ хамăр яла юрататăп", "Пирĕн тухăç" номинацисенче хаклаççĕ тунă ỹкерчĕксене. Ĕçсен теми, сюжечĕ, пахалăхĕ лайăх пулмалла. Фантазипе творчествăна ытларах палăртмалла ỹкерчĕксенче.

Асăннă конкурса кăçал октябрь уйăхĕнче пĕтĕмлетеççĕ те, йĕркелекенсен сайчĕсем çине лартаççĕ.

Ỹкерчĕксене заявленисемпе пĕрле сентябрĕн 20-мĕшĕччен "Ача-пăча ỹкерчĕксен конкурсне" тесе çырса тăратмалла. Адрес: Шупашкар хули, Хусанкай ячĕллĕ урам, 16-мĕш çурт. Чăваш статистики, телефон - 39-78-87.