Хăвăрт утассипе республика кубокĕн иккĕмĕш тапхăрне 120 яхăн атлет хутшăннă. Ăмăртусем Çĕнĕ Шупашкарта иртнĕ. Спортсменсене ЧР физкультурăпа спорт министрĕн çумĕ Борис Артамонов саламланă.

Старта тĕрлĕ çулсенче çуралнă çăмăл атлетсем тухнă. Малтанах 1996 çулхисемпе унтан аслăраххисем 5000 метрлă дистанцие парăнтарнă. Ăмăртура "Аль" ФСК тренер-преподавателĕн воспитанникĕ пулнă, халĕ Олимп резервĕсен шкулĕнче вĕренекен Вера Матвеева (1999-2000 ç.ç. хушшинче) 1-мĕш вырăн йышăннă, Раççей спорт мастерĕн кандидачĕн нормативне тултарнă. Сăмах май каласан, Вера Йăнтăрчă ялĕнчен, Татьяна Акимова биатлонисткăн иккĕмĕш сыпăкри тăванĕ.

В.КУЗНЕЦОВ.