2016 çулхи пĕрремĕш кварталта районта 33 ача çуралнă: 20 арçын ача, 13 хĕрача. Ултă çемьене пуçласа çĕн кайăк кĕнĕ. 12 çемьешĕн - иккĕмĕш, 11 çемьешĕн виççĕмĕш ача пулнă. Виçĕ мăшăрăн вара тăваттăмĕш ача хушăннă. Пиллĕкмĕш ачалли - пĕрре.

Январь-март уйăхĕсенче, иртнĕ çулхи çак вăхăтрипе танлаштарсан, çын сахалрах вилнĕ. 54 çынран арçынсем - 25-ĕн, хĕрарăмсем - 29-ăн. Ытларахăшĕн пурнăçĕ чирленипе татăлнă. Пурнăçран уйрăлнă арçынсен вăтам ỹсĕмĕ 58 çул, хĕрарăмсен - 75 çул.

Кăçалхи пĕрремĕш кварталта 13 çемье чăмăртаннă, 7 мăшăр уйрăлнă.

В.НОВИКОВА, ЗАГС пайĕ.