Петербурги Пĕтĕм тĕнчери ХХ экономика форумĕнче Раççей Федерацийĕн субъекчĕсенчи инвестици климачĕн илĕртỹлĕхĕн Наци рейтингĕн итогĕсене пĕтĕмлетнĕ. Чăваш Ен Раççейри регионсен рейтингĕнче тăххăрмĕшĕнчен улттăмĕш вырăна хăпарнă. Ĕçлĕ хутшăнăвăн индексĕ 5,1 пункт лайăхланнă.

Мускаври Сколково управлени шкулĕн ректорĕ Андрей Шаронов палăртнă тăрăх, кăçал регионсем хушшинчи конкуренци вăйланнă, Наци рейтингĕ хăйĕн икĕ çулĕнче пур шайри влаçсем тĕлĕшпе те регионсенче бизнеса вăйлатмалли условисене туса хурассипе тата лайăхлатассипе вăй хунине хак парас ĕçри эффективлăхне кăтартса панă.

ЧР Администрацийĕн пресс-служби.