"АгроДеталь" общество ертỹçинче ĕçленĕ Владимир Лукина халалласа йĕлтĕрçĕсен ăмăртăвне шăпах хăйĕн çуралнă кунĕнче, кăрлачăн 6-мĕшĕнче, ирттернĕ. Владимир Михайлович районти чи вăйлă йĕлтĕрçĕсенчен пĕри пулнă. Тăрмăшра та тăтăшах ăмăртусем йĕркеленĕ. Пысăк çитĕнỹсемшĕн кубоксемпе медальсене, Хисеп грамотисене тивĕç пулнă.

Ăмăртăва хутшăнакансене райадминистраци пуçлăхĕн çумĕ В.В.Чайкин, Тăрмăш ял тăрăхĕн пуçлăхĕ В.В.Николаева саламланă. Старта Канаш хулинчи, Тăвай тата Вăрмар районĕсенчи 140 ытла спортсмен тухнă. Призлă вырăн йышăннисене тĕрлĕ енлĕн хавхалантарнă.

Р.ШУМОВА