Çĕнĕ Пуянкассинчи культура çуртĕнче "Шоу талантов" конкурс кăçалхипе виççĕмĕш çул иртрĕ.

Кăмăл тăвакансем юрлассипе, ташлассипе, сăвă калассипе ăмăртрĕç. Э.Кириллова, А.Гурьева тата С.Данилов жюрире пулчĕç. Т.Ефимовапа А.Александрова пултаруллă ертсе пычĕç. Кĕçĕн ушкăнра юрлассипе садике çỹрекенсем çĕнтерỹçĕ пулса тăчĕç, ташлассипе вара пуçламăш класра вĕренекенсем вăйлăрах пулни палăрчĕ.

Аслисем хушшинче юрлассипе А.Петровапа А.Захарована çитекенни пулмарĕ. Ташăçăсен конкурсĕнче "Задоринки" ансамблĕн номерĕ (аслă ушкăн) ытларах балл пухрĕ. Сăвă калакансем хушшинче К.Максимова, И.Захаровапа А.Петрована палăртрĕç жюри членĕсем.

Конкурссем хушшинче В.Иванов, М.Васильев, А.Федотова, Л.Соловьева, Г.Петрова, А.Степанова, Д.Кириллов юрă хыççăн юрă шăрантарчĕç. Купăспа яланхи пекех И.Кузьмин хавхалантарса пычĕ.

В.МИХАЙЛОВ