Чăваш Республикин вĕренÿ институчĕ 2021 çулхи раштав уйăхĕн 28-мĕшĕнчен пуçласа 2022 çулхи пуш уйăхĕн 01-мĕшĕччен сценарисен «Чăвашла уяв янратăр!» конкурсне ирттерчĕ. Конкурсăн тĕп тĕллевĕ Чăваш енĕн мухтава тивĕçнĕ çыннисене халалланă чăвашла мероприятисен сценарийĕсене пуçтарасси, вĕрентекенсен паха опытне сарасси, кулленхи ĕçне çăмăллатма çителĕклĕ чухлĕ чăвашла уяв сценарийĕ пуçтарасси пулчĕ.

Конкурса мухтава тивĕçнĕ ентешсене халалланă чăвашла мероприятисен сценарийĕсене виçĕ номинаципе йышăнтăмăр:

-  «Класс сехечĕн сценарийĕ»,

-  «Уроксем хыççăнхи мероприятисен сценарийĕ»,

-  «Ача садĕнче ирттермелли уяв сценарийĕ».

Конкурсра пурĕ 174 сценари пулчӗ. Чи хастаррисен шутĕнче Елчĕк, Етĕрне, Йĕпреç,  Вăрнар, Вăрмар, Канаш, Куславкка, Патăрьел, Тăвай, Шупашкар, Элĕк районĕсенче, Канаш, Шупашкар, Çĕнĕ Шупашкар хулисенче ĕçлекен педагогсем пулчĕç.

Жюри членĕсем кашни ĕçпех тимлĕ паллашрĕç.

Хаклав критерийĕсене (вĕренÿ ĕçĕн хальхи тĕллевĕсемпе задачисене тивĕçтерни, вĕренекенсен ÿсĕм тата пĕлÿ шайне тивĕçтерни, ачасен харпăр хăй аталанăвĕн уйрăмлăхĕсене шута илни,  мероприятин хăйне евĕрлĕхĕ, тухăçлă технологисемпе усă курни, грамматика, пуплев, орфографи, пунктуаци нормисене çирĕп пăхăнни) тĕпе хурса жюри призерсене палăртрӗ. 

Çӗнтерӳçӗсен шутӗнче Кузьмина Галина Ивановнапа Лазарева Антонина Александровна (Енӗш-Нăрваш шкулӗ), призерсем - Кириллова Эльвира Николаевнапа Владимирова Людмила Григорьевна (Çӗнӗ Пуянкасси шкулӗ), Константинова Светлана Федоровна (Элпуç шкулӗ), Моисеева Галина Ивановна (Енӗш-Нăрваш шкулӗ), Сучкова Валентина Ильинична (Тӗмер шкулӗ).  Çӗнтерӳçӗсемпе призерсене саламлатпăр, малашне те çитӗнӳсем тума сунатпăр.