Район администрацийĕнче тунтикун лару иртнĕ. Ăна район администрацийĕн пуçлăхĕ Владимир Ванерке ертсе пынă.
Ларура АПК аталанăвĕпе экологи пайĕн начальникĕ Николай Краснов çурхи уй-хирте ĕçсем мĕнле пынă пирки тухса калаçнă.
-Майăн 19-21-мĕшĕсенче районта çамрăк армеецсен "Зарницăпа" "Орленок" вăййисене йĕркелеççĕ. Тăваттăмĕшсем майăн 17-мĕшĕнче - математикăпа, майăн 19-мĕшĕнче хупăрлакан тĕнче (окружающий мир) предметпа Пĕтĕм Раççейри тĕрĕслев ĕçĕсем çыраççĕ, - терĕ вĕрентỹ пайĕн начальникĕ Олег Ломоносов.
Полици уйрăмĕн начальникĕн çумĕ Владимир Федоров, районти выльăх-чĕрлĕх чирĕсемпе кĕрешекен станци ертỹçи Александр Шакин, "Аль" спорткомплекс директорĕ Анатолий Кириллов тухса калаçнă.
Район администрацийĕн пуçлăхĕ Владимир Ванерке ответлă çынсене тĕрлĕ сĕнỹсем панă.
Н.ФЕДОРОВА.